Yevropa tomoni O‘zbekistonning Afg‘onistonda tinchlik va barqarorlikni o‘rnatishga, shuningdek, afg‘on xalqiga gumanitar yordam ko‘rsatishga qaratilgan chora-tadbirlarini yuqori baholadi, dedi bugun O‘zbekiston TIV.
Bu bayonot Tashqi ishlar vaziri Abdulaziz Komilov va Yevropa Ittifoqining tashqi ishlar bo‘yicha oliy vakili Xosep Borrel o‘rtasida Afg‘onistondagi vaziyatni muhokama qilish bo‘yicha bo‘lib o‘tgan telefon muzokaralari yakunlari bo‘yicha eʼlon qilindi.
“Suhbat chog‘ida O‘zbekiston va Yevropa Ittifoqi o‘rtasidagi ikki tomonlama hamkorlikni rivojlantirish istiqbollari, shuningdek, “Yevropa Ittifoqi-Markaziy Osiyo va O‘zbekiston-Yevropa Ittifoqi” formatidagi tadbirlar muhokama qilindi”,-deyilgan xabarda.