Белорусиядаги Президентлик сайловларида Александр Лукашенконинг собиқ рақиби Светлана Тихановская ҳокимиятига “халқ ултиматумини” эълон қилди. Бу ҳақда унинг матбуот хизматининг телеграм-каналида хабар берилди.
Тихановская “режим”дан 13 кун ичида – 25 октябрга қадар қуйидаги талабларни бажарилишини талаб қилди: Лукашенко истеъфога чиқиши ҳақида эълон қилиши, тинч намойишчиларга қарши зўравонлик тўхташи, сиёсий маҳбуслар озод этилиши керак.
Агар ушбу талаблар бажарилмаса, норозилик намойишлари янада кўпаяди, – деди Тихановская.
Агар бизнинг талабларимиз 25 октябрга қадар бажарилмаса, бутун мамлакат тинч йўл билан Халқ Ультиматум билан кўчаларга чиқади ва 26 октябрдан барча корхоналарнинг миллий иш ташлаши бошланади, барча йўлларни тўсилади, давлат дўконларида сотувлар қулайди. Сизда мазкур учта шартни бажариш учун 13 кун бор. Бизда тайёргарлик кўриш 13 кун бор ва шу вақт ичида беларусликлар тинч ва қатъиятли норозиликларини давом эттирадилар.
Бундан бироз аввал 10 октябрь куни Светлана Тихановская Белорусияда май ойида ҳибсга олинган эри, блоггер Сергей Тихановский билан телефонда суҳбатлашганди. Бу эр-хотиннинг 134 кун ичида биринчи суҳбати бўлди. Маълум бўлишича, Тихановский турмуш ўртоғини “қаттиқроқ бўлишга” ундаган.
Рафиқаси билан суҳбат куни Тихановский бошқа сиёсий маҳбуслар билан биргаликда КГБ тергов изоляторида Александр Лукашенко билан учрашди. Президент улар билан Конституцияга киритилиши мумкин бўлган ўзгартиришларни муҳокама қилиш учун учрашув ташаббуси билан чиқди.
Учрашувдан сўнг Светлана Тихановская “автомат остидаги диалог” га ишонмаслигини таъкидлади.
Манба: Светлана Тихановская