Хабарингиз бор, 2 ойдан сўнг Қозоғистонда оммавий “COVID-19”га қарши эмлаш бошланиши эълон қилинган эди.
Сиёсатшунос биринчи навбатда қозоғистонлик депутатларни эмлашни таклиф қилди. Санжар Боқаев эмлаш учун пулни ўз чўнтагидан тўлашга тайёр.
“Мана мен таклиф қилмоқчи бўлганим. Биринчи навбатда, биз Қозоғистон Республикаси парламенти депутатларини (вакцина билан) эмлаймиз. Парламентнинг янги чақириқ депутатлари учун 157та Россиянинг Спутник V вакцинасини тўлашга тайёр эканлигимни тўла жавобгарлик билан эълон қиламан. Биз мамлакат ҳақида, аввало, депутатлар ҳақида қайғуришимиз керак. Улар шифокорлар, ўқитувчилар ва ҳатто ундан ҳам кўпроқ ўқувчилар эмланмагунча кутиб ўтирмайдилар. Энг яхши нарсалар депутатларимизга, халқ вакилларига.
P.S. Кейинчалик шифокорларимиз, ўқитувчиларимиз, талабаларимиз ва бошқа фуқароларимиз учун ёмон Америка вакцинасини сотиб оламиз» – деб ёзган Боқаев.
Расмийнинг бундай мурожаатидан сўнг ижтимоий тармоқларда аҳоли томонидан миннатдорликлар сони ортиб кетди.