2020 йил 30 ноябрь куни “Менинг Юртим” телеканали орқали намойиши бошланган ва 2 хафтада эфирдан гўёки техник ишлар туфайли олиб ташланган “Ҳукмдор Усмон” сериали АОКА ва Дин ишлари бўйича қўмита раиси ўринбосари Дилшод Эшнаевнинг талаби билан эфирдан олинган бўлиши мумкин, деб хабар бермоқда kun.uz.
Kun.uz манбасига кўра, эфир тўхтатилишига Дин ишлари бўйича қўмита раисининг ўринбосари Дилшод Эшнаев ва АОКАнинг хатлари сабаб бўлган.
Эслатиб ўтамиз, сериал намойиши бошлангандан икки ҳафта ўтиб, 16 декабр куни тўхтатилган. Орадан 2 ой вақт ўтган бўлса-да, бу «техник носозлик» бартараф этилмади, яъни “Ҳукмдор Усмон” эфирга қайтарилмади.
Телеканал директор Нозим Қодировни маълум қилишича у сериални ким ЗАПРЕТга олгани ҳақида маълумот бера олмайди, лекин тўланадиган пул, таржима, монтаж ва бошқа ишлар учун жами 3 млрд сўмдан ортиқроқ маблағ кетган..
Шу вақтнинг ўзида телеканалнинг шахсини очиқламаслик шарти билан Kun.uz’га гапирган бошқа бир вакилига кўра, телесериал намойиши Ахборот ва оммавий коммуникациялар агентлиги, шунингдек, Дин ишлари бўйича қўмита раиси ўринбосари Дилшод Эшнаевнинг бевосита аралашуви билан тўхтатилган.
Телесериални тўхтатиш бўйича телеканалга расмий хат АОКАдан юборилган. Унга эса Дин ишлари бўйича қўмита раиси ўринбосари Дилшод Эшнаевнинг сериални тўхтатиш бўйича АОКАга юборган хати асос бўлгани кўрсатилган.
Хуллас, телесериал намойиши тўхтатилишида ОАВнинг ҳимоячиси бўлиши керак бўлган АОКАнинг ҳам қўли бор. Манбага кўра, MY5 телеканалининг хатига расмийлардан жавоб бўлмаган, сериал эса тўхтатилган.
Таъкидлаш лозим, ҳукумат ҳузуридаги Дин ишлари бўйича қўмита раисининг ўринбосари, Дилшод Эшнаев куни кеча ҳам жамоатчилик диққат-марказига тушганди.