iPhone эгалари янги янгиланишдан даҳшатга тушмоқдалар

Смартфон ишлаш вақти сезиларли даражада қисқарди. “Вазият шу қадар ёмонки, мен iPhone 7 смартфонимдан 2 соат фойдалана олмаяпман – унинг батареяси тугамоқда.”

iPhone фойдаланувчилари сўнгги Apple iOS 14.6 дастурий таъминоти янгилаб бўлгандан сўнг, батареялар билан боғлиқ муаммолар ҳақида хабар беришди. Apple фойдаланувчилари форуми бу борадаги шикоятларга тўлиб кетди. Фойдаланувчилар бу масалани ижтимоий тармоқларга жойлаштириб, компаниянинг эътиборини жалб қилишга ҳаракат қилишмоқда.

iAppleBytes номли Ютубер ҳатто дастурий таъминот iOS 14.6 гача янгиланганидан кейин iPhone нинг 7 хил моделида батарея ишлашини намойиш қилувчи видеони намойиш қилди. Натижалар эса шунчаки қониқарсиз: тестда иштирок этган смартфонлардан фақатгина iPhone XR ва iPhone 11 уч ярим соатдан кўпроқ вақт ишлашга муваффақ бўлди:

Нима учун iOS 14.6 смартфон батареясини бунчалик тез тугатади деган саволга жавоб йўқ. Шикоятлардан бирига шарҳ берган Apple нинг техник кўмаги “энг яхши ечим бу iPhone даги дастурий таъминотни янгилашдир” деб ёзмоқда. Шундай қилиб, тез орада мосламаларни қуввати билан боғлиқ муаммоларни ҳал қиладиган янгиланиш пайдо бўлиши мумкин.