Жамоатчилик эътирозларига сабаб бўлди. Масалан, Лавров Россияда террорчи деб тан олинган ҳаракат билан қандай юзма-юз музокаралар олиб бориши мумкин?
“Бу борада АҚШ нафақат Толибонни террорчи деб ҳисоблади, балки улар билан жанг ҳам қилди, лекин буларнинг барчаси расмий Вашингтоннинг Қатар пойтахти Доҳада Толибон делегацияси билан музокара ўтказишига тўсқинлик қилмади” дейилмоқда хабарда.
Айни вақтда Москва томонидан Толибонга бешта талаб қўйилмоқда. Улардан иккитаси расмий (инсон ҳуқуқлари ва инклюзив ҳокимият) – лекин қолган учтаси жуда шошилинч амалга оширилиши керак.
1) Исломизмнинг Марказий Осиёга сизиб кириш муаммоси, у ердан муҳожирлар орқали Россияга етиб келиши хавфи мавжудлиги;
2) Толибоннинг мавжуд ҳар хил жиҳодий тузилмаларни тозалаш зарурати;
3) “Қора оқим”ни тўхтатиш, яъни Афғонистондан афюн ва героин экспорти.
Юқорида санаб ўтилган фикрлар Россия миллий манфаатлари рўйхатига аниқ киритилган. Шунинг учун Афғонистонни бошқараётган Толибон билан тўғридан-тўғри алоқага эҳтиёж борлиги таъкидланган.