Шу юзасидан баъзи бир маълумотларни келтириб ўтамиз:
Ўзбекистон пандемияда давридан ўтиши борасида:
Резервлар миқдорининг етарлилиги ва олтин нархининг ошиши ҳукуматга пандемиянинг ижтимоий-иқтисодий таъсирларин юмшатишга ва барқарорликни сақлаш имконини берди. 2020 йил охирларидан бошланган иқтисодий фаоллик натижасида 2021 йил давомида иқтисодиётнинг ўсиши 7,4% га етди. Жаҳон бозорида озиқ-овқат ва товар хомашё нархларининг ошиши инфляция ортишига сабаб бўлиб, ўз вақтида зарур пул-кредит сиёсати амалга оширилиши натижасида 2021 йил охирига келиб инлфяция 10%ни ташкил қилди.
Ўзбекистон иқтисодиётига таъсир қилувчи омиллар борасида:
Бугунги кунда Украинадаги уруш ва Россияга киритилган санкциялар ноаниқликлр яратиб, Ўзбекистон иқтисодий ривожланишига ўз салбий таъсирини кўрсатади. Ушбу тебранишлар ва ноаниқликлар маълум муддатгача сақланиб туради.
Юзага келган нохуш омиллар ҳисобига Ўзбекистон иқтисодиёти ўсиши 3-4 %га секинлашади. Бунга ташқи савдо қисқариши, пул ўтказмалри камайиши натижасида истеъмол ва инвестиция қисқариши сабаб қилиб кўрсатилган. Шунингдек, Ўзбекистонга асосий савдо ҳамкорлари бўлмиш Хитой, Туркия ва Қозоғистон каби давлатлар иқтисодий ўсиши секинлашуви ҳам ўзининг салбий таъсирини кўрсатиши мумкин.
Банклар молиявий холатини диққат билан кузатишда давом этиш лозим:
Ўзбек банклари санкцияга тушган Россия банклари билан юқори боғликликда бўлмасада савдо ҳажмининг ва пул ўтказмаларининг камайиши муаммоли кредитларни юзага келтириш рисклари мавжуд. Кредит портфели валюта рискларига нисбатан юқори таъсирчанлигини кўрсатмоқда ва шу сабабли ҳам энг юқори рисклар давлат банкларига тўғри келади. Марказий банк банклар ликвидлиги ва капитали холатини, шу жумладан, янгиланган стресс-тестлар орқали яқиндан кузатиб боришда давом этиши ва зарур ҳолларда уларни қўллаб-қувватлашга тайёр туриши лозим.
ХВЖ томонидан давлат харажатлари самарадорлигини ошириш, иқтисодиётда давлат аралашувини камайтириш, энергетика соҳасидаги ислоҳотларни амалга оширишда зарур кўрсатма ва тавсиялар берилди.