Transparency International 2023 йилги Коррупцияни қабул қилиш индекси бўйича янгиланган маълумотларини эълон қилди.
- 🇰🇿 Марказий Осиё мамлакатлари орасида энг яхши кўрсаткич
- Қозоғистон (100 тадан 39 очко ва 180 мамлакат ичида 92-ўрин).
- 🇺🇿 Ўзбекистон 121-ўринни эгаллади (33 балл).
- 🇰🇬 Қирғизистон -141-ўрин (26 балл).
- 🇹🇯 Тожикистон – 162-ўрин (20 балл).
- 🇹🇲 Туркманистон – 170-ўрин (18 очко).
“50 баллдан паст балл тўплаган давлатлар ўта коррупциялашган деб ҳисобланади, бу эса мамлакатнинг иқтисодий ривожланиши ва фуқароларнинг ижтимоий фаровонлигига тўсқинлик қилади”, — деб таъкидламоқда ҳисобот муаллифлари.
🇰🇿 Transparency International экспертлари Қозоғистонни ҳуқуқий ислоҳотлар ва ўғирланган активларни қайтариш учун олқишлади. Бироқ улар тузумнинг авторитаризми, суд тизимининг шаффофлиги ва мустақиллиги йўқлиги, шунингдек, “нуфузли сиёсий элитанинг тинимсиз босими коррупциянинг гуллаб-яшнаши учун қулай замин яратаётганини” таъкидладилар.
🇺🇿 Ўзбекистонда коррупцияга қарши кураш агентлиги ташкил этилгани, қонунчиликнинг такомиллаштирилгани ва иқтисодиётнинг либераллаштирилгани ижобий ўзгаришлар. Лекин, шу билан бирга, Transparency International га кўра, авторитар режим мамлакатда демократияга тўсқинлик ва норозиларни таъқиб қилади, бу эса “коррупцияни кучайтиради”.
🇰🇬 Тўрт йил ичида Қирғизистон жонли фуқаролик жамиятига эга демократия қўрғонидан бирлашган авторитар давлатга айланди, у ерда адлия тизими тузумдан норозиларни таъқиб қилишда қўлланилади, бу эса коррупциянинг гуллаб-яшнашига имкон беради, дейди ҳисобот муаллифлари. .
🇹🇯🇹🇲 Тожикистон ва Туркманистонда “ҳукмрон элитанинг давлат институтлари устидан авторитар назорати кенг тарқалган”, коррупция авж олган, фуқаролик ва сиёсий ҳуқуқлар поймол этилмоқда, дея қайд этди Transparency International.