Бу йил кимдир ўз шахси атрофида зиддиятли муҳит яратди, бошқалар эса ўз ваколатларини ёки таъсир доирасини кенгайтирди.
Тожикистон Президенти Имомали Раҳмон ўзини “all inclusive” билан таъминлади.
Бу йилги сайловларда у ваколат муддатини яна 7 йилга узайтирди. Агар у ваколат муддати тугагунига қадар президент бўлиб қолса, нафақат Марказий Осиёда, балки собиқ Иттифоқ мамлакатлари орасида энг узоқ муддат ҳокимиятга эга бўлган мамлакат раҳбарига айланади.
“Миллат етакчиси – тинчлик ва миллий бирдамлик асосчиси” мақоми туфайли у чексиз марта номзодини илгари суриши мумкин, демак, Раҳмон тахтда ўтириш рекордини янгилайди.
Қирғизистон Президенти Сооронбай Жээнбеков лавозимни муддатидан олдин тарк этди.
У 4 октябрь куни бўлиб ўтган парламент сайловларидан кейин юз берган тартибсизлик туфайли истеъфога чиқди. Унга экс-президент мақоми берилди.
Мамлакат Конституциясига мувофиқ, экс-президент сиёсий ёки махсус давлат лавозимларида ишлай олмайди. Экс-президент партиянинг бошқарув органларида ҳам фаолият олиб бормайди. Ушбу талаблар бузилган тақдирда, унга дахлсизлик кафолати ва бюджет ҳисобидан дастурий таъминот берилмайди.
Туркманистон Президенти Конституцияни ўзгартирди.
Унга кўра, 2021 йилдан бошлаб парламент Миллий кенгаш деб номланади. Халқ маслаҳати парламентнинг юқори палатасига, қуйи палата эса мажлисга айланади.
Шундай қилиб, мамлакатнинг собиқ президентлари, агар хоҳласалар, умр бўйи Халқ Маслаҳати аъзоси бўлиб қолишлари мумкин. Бердимуҳаммедов ўз фаолияти давомида Конституцияга учинчи маротаба ўзгартириш киритди.
Ўзбекистон раҳбари кейинги сайловга йўл олди.
Бу йил Ўзбекистон Куба билан биргаликда Евроосиё иқтисодий иттифоқида кузатувчига айланди.
Дарвоқе, Қирғизистондан фарқли ўлароқ, Ўзбекистонда ҳокимият тепасига янги одам келиши кутилмайди. Чунки, халқ Мирзиёев учун келаётган сайловда овоз беришга тайёр.
Қосим-Жомарт Тоқаев – ҳокимият тепасида иккинчи йил.
Шиори ислоҳотлар бўлган Токаев президентлигининг иккинчи йилида сайловлар, сиёсий партиялар ва тинч митинглар тўғрисидаги қонунларга ўзгартиришлар киритилди, аммо мамлакатда янги сиёсий партиялар рўйхатдан ўтмади. 10 январь куни бўлиб ўтадиган парламент сайловларида қатнашадиган бир нечта партиялар ўз номларини ўзгартирди халос.