Ўзбекистон Президентининг Тожикистонга ташриф буюриши кутилмоқда

Ўзбекистон Президенти Шавкат Миризёевнинг Тожикистонга ташрифи июнь ойида бўлиши мумкин, деб хабар қилмоқда Ўзбекистон инвестициялар ва ташқи савдо вазирлиги (МИФТ) матбуот хизмати.

Айни пайтда томонлар Ўзбекистон раҳбарининг ташрифи дастурини ишлаб чиқмоқдалар.

Аввалроқ икки мамлакат раҳбарларининг яқин кунларда қўшма саммит ўтказиши маълум қилинган эди.

Тожикистон делегациясининг Тошкентга ташрифи доирасида Бош вазир ўринбосари, Ўзбекистон инвестициялар ва ташқи савдо вазири Сардор Умурзоқов ва Тожикистоннинг иқтисодий ривожланиш ва савдо вазири Завқизода Завқи Амин ўртасида музокаралар бўлиб ўтди.

“Томонлар Ўзбекистон Президентининг жорий йил июнь ойида бўлиб ўтадиган Тожикистонга ташрифининг асосий қисмини тайёрлаш бўйича ишларни давом эттириш ва фаоллаштириш тўғрисида келишиб олдилар”, дейилади вазирлик хабарида.

Учрашувда ўзаро савдо ҳажмини ошириш бўйича чора-тадбирлар муҳокама қилинди.

Шундай қилиб, мамлакатлар савдо ҳажмларини 2020 йилда 500 миллион доллардан яқин йилларда 1 миллиард долларга етказишни режалаштирмоқда.

Бунинг учун савдо процедуралари, шунингдек товарларнинг икки мамлакат бозорларига кириши соддалаштирилади, деб таъкидланмоқда.

Шу билан бирга, макроиқтисодий прогнозлаш, рақамли иқтисодиётни ривожлантириш ва электрон тижорат соҳасида ҳамкорлик тўғрисида келишувларга эришилди.

Ш.Мирзиёев президентликка сайланганидан сўнг ташқи сиёсат соҳасидаги энг устувор йўналишларидан бири бўлган минтақадаги қўшнилар билан муносабатларни «тиклай» бошлади. Хусусан, Тожикистон билан чегара ва сув-энергетика масалалари бўйича диалог қайта тикланди.

2017 йил апрель ойида пойтахтлар ўртасида ҳаво қатнови қайта тикланди, қатновлар 1992 йилда тўхтатилган эди ва 2018 йил март ойида этти йиллик танаффусдан сўнг икки мамлакатнинг жанубий минтақалари яна темир йўл орқали боғланди.

Шу билан бирга, Мирзиёевнинг Душанбега ташрифи чоғида чегаранинг айрим участкалари бўйича келишув имзоланди ва виза режими бекор қилинган эди.