Bu yil kimdir o‘z shaxsi atrofida ziddiyatli muhit yaratdi, boshqalar esa o‘z vakolatlarini yoki taʼsir doirasini kengaytirdi.
Tojikiston Prezidenti Imomali Rahmon o‘zini “all inclusive” bilan taʼminladi.
Bu yilgi saylovlarda u vakolat muddatini yana 7 yilga uzaytirdi. Agar u vakolat muddati tugaguniga qadar prezident bo‘lib qolsa, nafaqat Markaziy Osiyoda, balki sobiq Ittifoq mamlakatlari orasida eng uzoq muddat hokimiyatga ega bo‘lgan mamlakat rahbariga aylanadi.
“Millat yetakchisi – tinchlik va milliy birdamlik asoschisi” maqomi tufayli u cheksiz marta nomzodini ilgari surishi mumkin, demak, Rahmon taxtda o‘tirish rekordini yangilaydi.
Qirg‘iziston Prezidenti Sooronbay Jeenbekov lavozimni muddatidan oldin tark etdi.
U 4 oktyabr kuni bo‘lib o‘tgan parlament saylovlaridan keyin yuz bergan tartibsizlik tufayli isteʼfoga chiqdi. Unga eks-prezident maqomi berildi.
Mamlakat Konstitutsiyasiga muvofiq, eks-prezident siyosiy yoki maxsus davlat lavozimlarida ishlay olmaydi. Eks-prezident partiyaning boshqaruv organlarida ham faoliyat olib bormaydi. Ushbu talablar buzilgan taqdirda, unga daxlsizlik kafolati va byudjet hisobidan dasturiy taʼminot berilmaydi.
Turkmaniston Prezidenti Konstitutsiyani o‘zgartirdi.
Unga ko‘ra, 2021 yildan boshlab parlament Milliy kengash deb nomlanadi. Xalq maslahati parlamentning yuqori palatasiga, quyi palata esa majlisga aylanadi.
Shunday qilib, mamlakatning sobiq prezidentlari, agar xohlasalar, umr bo‘yi Xalq Maslahati aʼzosi bo‘lib qolishlari mumkin. Berdimuhammedov o‘z faoliyati davomida Konstitutsiyaga uchinchi marotaba o‘zgartirish kiritdi.
O‘zbekiston rahbari keyingi saylovga yo‘l oldi.
Bu yil O‘zbekiston Kuba bilan birgalikda Yevroosiyo iqtisodiy ittifoqida kuzatuvchiga aylandi.
Darvoqe, Qirg‘izistondan farqli o‘laroq, O‘zbekistonda hokimiyat tepasiga yangi odam kelishi kutilmaydi. Chunki, xalq Mirziyoyev uchun kelayotgan saylovda ovoz berishga tayyor.
Qosim-Jomart Toqayev – hokimiyat tepasida ikkinchi yil.
Shiori islohotlar bo‘lgan Tokayev prezidentligining ikkinchi yilida saylovlar, siyosiy partiyalar va tinch mitinglar to‘g‘risidagi qonunlarga o‘zgartirishlar kiritildi, ammo mamlakatda yangi siyosiy partiyalar ro‘yxatdan o‘tmadi. 10 yanvar kuni bo‘lib o‘tadigan parlament saylovlarida qatnashadigan bir nechta partiyalar o‘z nomlarini o‘zgartirdi xalos.