Туркманистон икки палатали парламент тизимига ўтди

Кеча 28 март куни мамлакатда янги палатага сайловлар бўлиб ўтди. Овоз бериш якунланди. Палатадаги 48 ўрин учун 112 номзод кураш олиб борди.

“Сайловчиларнинг 98,7%”Халқ Маслаҳати” аъзолари учун сайловларда овоз берди”, – дейилган МСК хабарида. Натижалар беш кун ичида эълон қилиниши айтилган.

Икки палатали тизимга ўтиш тўғрисида қарор ўтган йилнинг сентябрь ойида қабул қилинган эди.

Янги палата – Халқ Маслаҳати (Халқ Кенгаши) – 56 аъзодан иборат. Уларнинг 48 нафари овоз бериш йўли билан сайланади, қолганлари президент томонидан тайинланади. Бундан ташқари, ҳар бир собиқ давлат раҳбари ҳам Халқ Маслаҳати аъзоси ҳисобланади.