Konnektikutdagi Jekson laboratoriyasining bosh tadqiqotchisi doktor Derya Unutmaz COVIDning barcha turlariga qarshi samarali bo‘lishi mumkin bo‘lgan immun tizimi ustida ish olib borilishi haqida maʼlumot berdi.
Olimlar zararlangan hujayralar uchun saraton kasalligini davolashda qo‘llaniladigan usulni qabul qilishdi. Olimning taʼkidlashicha, COVID-19ning variantlari organizm tomonidan ishlab chiqarilgan antikorlardan qochishi mumkin, shuning uchun hatto emlangan odamlar ham, omikron bilan sodir bo‘lgani kabi, o‘ta yuqimli bo‘lishi mumkin.
“Virus yuzasida biz boshoqli oqsillar deb ataydigan o‘simtalar bor, bular virus hujayra yuzasidagi qulfga yopishib, kiritilgan modda uni ochadi va kalit kabi ishlaydi. Shundan so‘ng u o‘z oqsillarini ishlab chiqaradi, ularni nusxalaydi va boshqa hujayralarga tarqatadi”, dedi Unutmaz.
Ishlab chiqilgan usul virusni ushlash uchun mo‘ljallangan. “Biz hujayra yuzasida “qulf” oldik va uni sintetik biologiya yordamida molekulaga aylantirdik, bu bizga virusni sintetik oqsil bilan bog‘lash imkonini beradi”, dedi olim.