АҚШ Пекин билан глобал курашда янги “юмшоқ куч” стратегиясини қўллашни режалаштирмоқда

АҚШ USAIDни Хитойга қарши курашга тайёрламоқда.

Жозеф Байден маъмуриятининг кун тартибида COVID-19 “пандемия” инқирози ва иқлим ўзгариши билан кураш биринчи галдаги вазифадир. Ушбу қийинчиликлар ички ва халқаро аҳамиятга эга, дейди барқарор ривожланиш марказининг тадқиқотчиси Жорж Инграм.

“АҚШнинг глобал тараққиётга қўшган ҳиссасини ошириш учун АҚШ Халқаро тараққиёт агентлиги (USAID) ваколат ва салоҳиятини кучайтириши зарур. Ушбу агентликка доимий тарзда миллий хавфсизлик концепциясида назарда тутадиган муҳим жой берилиши керак. Бундан ташқари, USAID маъмуриятнинг устувор йўналишларини акс эттирувчи стратегия ва сиёсатни қабул қилиши, агентликка тегишли дастурлар ва масъулиятлар юкланиши ва унинг кадрлар тизимини қайта кўриб чиқиши керак», – деб ёзмоқда эксперт Brookings Institution веб-сайтида эълон қилинган ҳисоботда.

Америкалик мутахассиснинг сўзларига кўра, USAIDнинг янги раҳбарияти томонидан ҳал қилиниши керак бўлган энг қийин вазифа – бу Хитой билан ҳокимият учун глобал курашда агентликнинг ролини аниқлашдир. “USAIDнинг ишдан кетаётган раҳбарияти  турли дастурларда янгиликларни амалга оширишга интилди, ривожланаётган мамлакатларга биз билан ёки Хитой билан ишлашни таклиф қилди, аммо танлов Пекин фойдасига амалга оширилганда, биз ўйиндан чиқамиз”.

“Дарҳақиқат, АҚШ ва USAID Хитой билан ҳамкорлик олиб бораётганда сиёсий чегараларни белгилаб олиши керак. Бу қандай амалга оширилади. Агентлик, иложи борича, Хитой билан иқлим ўзгариши ва гуманитар муаммоларни хал этишда ҳамкорлик қилиб, ривожланаётган мамлакатларга грантлар ажратилаётган йўналишларда эса, айниқса, шаффофлик, маҳаллийлаштириш ва ташкилотлар учун тенглик яратилишидаги лойиҳаларда Хитой таклиф этаётган лойиҳа грантларига альтернатива таклиф қилиши керак.”, деган таклифлар билдирилмоқда.

P.S. Бундай таклифлардан келиб чиқиб қуйидагиларни таҳмин қилиш мумкин:

Хитойнинг Марказий Осиё учун таклиф этаётган “бонус” грантлари янада ортиши ва бунинг оқибатида USAID томонидан таклиф этилиши режалаштирилган дастурларга алоҳида пункт киритилиб бошқа томонлар таклифларида иштирок этилмаслик киритилади.

USAID фуқаролик жамияти билан маслаҳатлашиш орқали иқлим ўзгаришини юмшатиш ва мослашишга қаратилган умуммиллий ривожланиш стратегиясини бошқариши керак.

USAID АҚШ Халқаро тараққиёт агентлиги Президент Жон Кеннеди томонидан 1961 йилда яратилган. Ташкилот АҚШнинг ташқи ёрдами билан иккита мақсадни кўзлайди, бу ривожланаётган мамлакатларда ҳаётни яхшилаш билан бирга Америка манфаатларини ҳимоя қилишдир.