Тожикистон Меҳнат вазирлиги Россия Ички ишлар вазирлигига эътироз билдирди

Душанбе Россияда ноқонуний равишда яшаётган 247 минг Тожикистон фуқароларининг сони ҳаддан ташқари оширилган дея Тожикистон Меҳнат вазирлигининг эътирози тўғрисида хабар бермоқда интернет нашри.

“Бу кўрсаткич кўп йиллар давомида тўпланиб келган … 5, 10, 15 йил давомида. Уларнинг аксарияти Тожикистонга бошқа ҳужжатлар билан қайтган ва улар шу ерда деб ўйлаймиз”, деди Меҳнат вазирлиги вакили.

Бу, масалан, бир киши Россияга қонуний равишда келган бўлса, лекин ҳужжатларини йўқотиб қўйган, янгисини олган ва у билан уйига қайтган бўлиши мумкин. Бироқ, у Россия базасида олиб ташланмаган.

Ушбу ҳафта Россия МДҲ мамлакатларидан ўзларининг ноқонуний мигрантларини олиб кетишини талаб қилганлиги бўйича хабар берган эдик.

Уларнинг аксарияти бизнинг юртимиздан ва Тожикистон фуқаролари ҳисобланади.