АҚШнинг собиқ президенти ва тадбиркор Доналд Трамп сўнгги 25 йил ичида биринчи марта Forbes журнали томонидан чоп этилган АҚШнинг энг бой 400 кишиси рўйхатига кира олмади.
Маълум бўлишича, энг бой америкаликлар рўйхатига кириш учун унга 400 миллион доллар етмаган.
Сабаби кўчмас мулк секторидаги бойлиги 2,5 миллиард долларга баҳоланган Трамп пандемия бошланганидан буён 600 миллион доллар йўқотган.
2016 йилда президентликка сайланганда, Трамп Forbes рўйхатида 125-ўринни эгаллаган, президентлигининг охирги йилида – 2020 йилда эса 339 -ўринга тушиб кетган.
Бу йил Forbes рейтингида биринчи ўринни Амазон интернет-компанияси асосчиси Жефф Безос эгаллади, унинг бойлиги 201 миллиард доллар, ундан кейин Тесла асосчиси Илон Маск (190,5 миллиард доллар) ва Facebook асосчиси Марк Цукерберг (134,5 миллиард доллар). Энди Цукербергнинг бойлиги ҳам савол остида қолмоқда).