Меросхўрнинг тайёргарлиги

Сердар Бердимуҳамедов Эрондан кейин Ўзбекистонга ташриф буюради

Туркманистон бош вазири ўринбосари, мамлакат президентининг ўғли Сердар Бердимуҳамедов Ўзбекистонга ташриф буюради. Туркманистон Ташқи ишлар вазирлиги сайти “Бош вазирнинг иқтисодий масалалар бўйича ўринбосари”нинг бўлажак ташрифи ҳақида хабар бермоқда.

Ташрифни Туркманистон ва Ўзбекистон ташқи ишлар вазирлари Рашид Мередов ва Абдулаиз Комилов телефон орқали муҳокама қилди. Иш сафари “иқтисодий соҳада Туркманистон-Ўзбекистон ҳамкорлигини кенгайтириш бўйича учрашувлар ва музокаралар ўтказиш мақсадида” ташкил этилмоқда.

Аввалроқ, 8-9 январь кунлари Сердар Бердимуҳамедов Мередов билан бирга Эронга ташриф буюрган эди. Уни мамлакат Президенти Сейид Иброҳим Раиси шахсан қабул қилди.

Маҳаллий кузатувчилар бу ташрифларни Сердарнинг президентликка келишидан олдинги «ташрифи» сифатида баҳоламоқда. 7 январь куни бўлиб ўтган ҳукумат йиғилишида Гурбангули Бердимуҳамедов февраль ойига режалаштирилган Халқ Маслахати (парламент юқори палатаси, 2021 йилдан буён давлат раҳбарининг ўзи раҳбарлик қилади)нинг навбатдан ташқари йиғилишини эълон қилди. Тахминларга кўра, айнан шу йиғилишда март ойида бўлиб ўтиши мумкин бўлган навбатдан ташқари президентлик сайловлари эълон қилинади. Сердар Бердимуҳамедов 2021 йил декабрь ойида чет элга бир қатор сафарлари олдидан Туркманистоннинг турли ҳудудларига навбатма-навбат ташриф буюрди. У ерда у бозорларни кўздан кечирди, бу эса озиқ-овқат нархларининг бироз арзонлашишига олиб келгани айтилмоқда.