Rossiyada benzin eksportiga qo‘yilgan taqiq O‘zbekistonda yoqilg‘i narxiga taʼsir qilishi mumkin

Rossiyada benzin va dizel yoqilg‘isi eksportiga vaqtinchalik cheklovlar joriy etildi. Rossiya Bosh vaziri Mixail Mishustin tegishli farmonni imzolagan.

Qaror ichki bozorda yoqilg‘i narxini barqarorlashtirish uchun qabul qilindi. Vaqtinchalik cheklovlar yoqilg‘i bozorini to‘ldirishga yordam beradi, bu esa o‘z navbatida isteʼmolchilar uchun narxlarni pasaytiradi, deyiladi hujjatda.

Rossiya Energetika vazirligining taʼkidlashicha, vaqtincha cheklovlar motor yoqilg‘ilarining ayirma eksportini to‘xtatishga imkon beradi va ichki bozorni to‘ldiradi.

Eksportni cheklash Rossiya bozorida yoqilg‘i yetkazib berish hajmining oshishiga olib keladi, buning natijasida tannarxning pasayishi kutilmoqda.

Ammo bu qaror O‘zbekistonni Rossiya yoqilg‘isi taqchilligiga, shuningdek, narxlarning oshishiga olib kelishi mumkin. O‘zbekistonda haydovchilarning hikoyalariga ko‘ra, hozirda yoqilg‘i quyish shoxobchalarida AI-95, AI-80 va AI-92 markali benzin topish qiyinlashdi.

Mamlakat Rossiyadan AI-95, AI-92 va AI-80 benzinlarini import qiladi.