АҚШ Давлат департаменти Белорусия оппозициясини қўллаб-қувватлашини билдирди

Светлана Тихановская АҚШ Давлат котиби ўринбосари билан виртуал муҳокамада иштирок этди. Шундан сўнг Стивен Биган АҚШнинг Белорусиядаги оппозицияни қўллаб-қувватлаш борасидаги сиёсатини яна бир бор тасдиқлади.

АҚШ давлат котибининг ўринбосари Стивен Биган АҚШ Белорусия оппозициясини қўллаб-қувватлашда давом этишини тасдиқлади. У 16 декабрь, чоршанба куни кечқурун, Белорусия оппозицияси этакчиси Светлана Тихановская билан виртуал муҳокамадан сўнг тегишли баёнот билан чиқди.

“Давлат котиби маслаҳатчиси Биган Белорусия халқининг мамлакат тақдирини белгилашдаги чақириқларни АҚШ қўллаб-қувватлаётганини тасдиқлади”, дейилади хабарда. Биган, шунингдек, Белорусияда эркин сайловлар ўтказилишини ва норозилик намойишларида ҳибсга олинганларнинг барчасини озод этилишини талаб қилди.

Биган ва Тихановская иштирокидаги учрашувни Германия Маршал жамғармаси номли Америка жамғармаси (мазкур ташкилот Трансатлантик муносабатларни мустаҳкамлаш учун ишлайди) ташкил этди. Светлана Тихановская сўнгги кунларни Берлинда ўтказмоқда, у ерда Германия президенти Франк-Валтер Штайнмаер билан учрашди.