Агар Россия ва Қўшма Штатлар ўртасидаги нормал икки томонлама муносабатлар, фақат Москвага боғлиқ бўлганда эди, икки томонлама муносабатлар яхшиланар эди, чунки Россия томони Вашингтонга дипломатик можарони “қайта тиклашни” таклиф қилди, аммо АҚШнинг янги маъмурияти бу таклифни қабул қилмади, деди ташқи ишлар вазири Сергей Лавров РИА Новостига берган интервьюсида …
Россия президенти Владимир Путин ва Байден инаугурациясидан сўнг, дипломатия раҳбарлари ўртасидаги суҳбатда “америкалик ҳамкасбларимиз бизга Россия билан муносабатларни жиддий қайта кўриб чиқаётганликларини ва ушбу суҳбат натижасида кўп нарсалар ўзгаришини айтган эдилар”, – деди Лавров.
“Аммо бу суҳбатнинг натижаси янги санкциялар бўлди. Биз бунга нафақат акс жавоб беришга мажбур бўлдик, балки охир-оқибат биз бир неча бор огоҳлантирганимиз каби, ассиметрик ҳаракат қилдик. Бу, бошқа нарсалар қатори, Россиядаги Америка дипломатик ваколатхоналарида ишлайдиган дипломатлар ва бошқа ходимлар сонидаги сезиларли номутаносибликка ҳам тааллуқлидир”, – деди ташқи ишлар вазири.
Лавров халқаро барқарорлик Россия ва АҚШ ўртасидаги муносабатларга боғлиқлигини таъкидлади. “Аммо биз ўзаро муносабатларимизнинг стратегик қарашлари ҳақида гапирадиган бўлсак, мен Вашингтон ҳам биз каби дунёдаги стратегик барқарорлик учун жавобгарликни англайди деб умид қиламан. Нафақат Россия ва Қўшма Штатларнинг муаммолари, балки бизнинг фуқароларимиз ҳаётини, уларнинг алоқалари, алоқа, бизнес ва гуманитар лойиҳаларини мураккаблаштирадиган муаммолар, балки кенг маънода халқаро хавфсизлик учун жиддий хавф туғдирадиган муаммоларни ҳам ўйлашимиз”, – дея хулоса қилди Лавров.