Путин қамоқхоналар ва тергов изоляторларида уяли алоқани ўчириш тўғрисидаги қонунни имзолади

Ҳужжатда операторлар ҳибсда бўлган шахслар фойдаланадиган рақамларга хизмат кўрсатишни тўхтатиши кераклиги айтилган.

Россия Федерацияси Президенти Владимир Путин ахлоқ тузатиш муассасалари ва тергов ҳибсхоналарида уяли алоқани блокировка қилиш тўғрисидаги қонунни имзолади. Ушбу қонун 9 март куни давлат ҳуқуқий маълумот интернет порталида эълон қилинди.

Ҳужжатга мувофиқ, диспетчерлар қамоқхоналарда маҳкумлар, тергов изоляторлари ва колонияларида гумон қилинувчилар ва судланувчилар фойдаланадиган рақамлар хизматини ўчириб қўйишлари керак. Алоқа хизматларини бекор қилиш президент ёки унинг муовини ва Федерал жазони ижро этиш хизмати ҳудудий органи раҳбарининг ёзма қарори натижасида амалга оширилади.

Нашр қилинган тушунтириш хатларида 2018 йилда судланганларнинг ёнида алоқа воситаси бўлиши тақиқланганлигига қарамай, жиноий-ахлоқ тузатиш тизимининг биноларида 56 мингдан ортиқ алоқа мосламалари мусодара қилинганлиги ва 5 мингдан зиёд одам телефонни яширинча тақиқланган ҳудудларга олиб киришга уринганлиги айтилган. Қонунчилик ташаббуси муаллифлари томонидан колониялар ёки тергов ҳибсхоналари ҳудудидаги уяли телефонлар кўпинча фирибгарликни амалга ошириш, гувоҳларга таъсир ўтказиш ва озодликда бўлган уюшган жиноий гуруҳ аъзоларининг ҳаракатларини назорат қилиш учун ишлатилиши айтилган.

P.S. …